امریکی چالیں اب ایرانی قوم کے لئے پرانی ہوچکی ہیں: وزیر خارجہ

کیٹیگری ایران
Friday, 12 January 2018


تہران(مانیٹرنگ ڈیسک) اسلامی جمہوریہ ایران کے وزیر خارجہ محمد جواد ظریف نے ایران مخالف امریکی ایوان نمائندگان کی قرارداد پر اپنے ردعمل میں کہا ہے کہ امریکی چالیں اب کسی کے لئے بشمول ایرانی قوم کے لئے پرانی ہوچکی ہیں۔
اسلامی جمہوریہ ایران کے وزیر خارجہ محمد جواد ظریف نے ماسکو میں صحافیوں سے گفتگو کرتے ہوئے امریکی ایوان نمائندگان میں ایران میں حالیہ بدامنی کے واقعات کی حمایت میں پاس ہونے والی قرارداد پراپنے شدید ردعمل کا اظہار ہوئے کہا کہ ایرانی عوام نے یہ دکھا دیا کہ وہ ہمیشہ قانونی اور آئینی طریقے سے اپنے مطالبات پیش کرتے ہیں اور حکومت بھی عوامی مطالبات کو پورا کرنے کے لئے پُرعزم ہے اور ہم سمجھتے ہیں کہ عوام کو انتخاب اور انتقاد کرنے کا حق حاصل ہے۔
محمد جواد ظریف نے کہا کہ امریکہ اور اس کے اتحادی کسی بھی طور خطے میں ایرانی عوام کے حقوق کو تحفظ نہیں دے سکتے اور نہ امریکی حکومت اور نہ ہی ایوان نمائندگان کو ایرانی عوام کے حقوق کی کوئی فکر ہے۔
ایران کے وزیر خارجہ نے کہا کہ وطن عزیز میں امن و امان اور استحکام کا دار و مدار ہماری قوم پر ہے۔ایران کے وزیر خارجہ نے کہا کہ عالمی برادری نے واضح طور پر بتایا کہ وہ امریکی پالیسی کی حمایت نہیں کرتی کیونکہ دنیا امریکی پالیسیوں کو منفی اور غیرتعمیری سمجھتی ہے۔
محمد جواد ظریف نے عالمی برادری پر زور دیا کہ اگر وہ جوہری معاہدے کو موثر اور فائدہ مند سمجھتی ہے تو وہ امریکہ کی منفی پالیسی کے خلاف مزاحمت کرے ۔
یہ بات قابل ذکر ہے کہ یورپی یونین کی خارجہ پالیسی کی سربراہ آج 11 جنوری کو بروسلز میں ایران کے زیرخارجہ سمیت برطانوی، فرانسیسی اور جرمن وزرائے خارجہ کی مشترکہ نشست کی میزبانی کریں گی جس کا مقصد جوہری معاہدے پر تبادلہ خیال کرنا ہے۔

پڑھا گیا 356 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

آہنی عزم یمنی، آل سعود حوصلہ ہارنے لگے(1)

آہنی عزم یمنی، آل سعود حوصلہ ہارنے لگے(1)

سعودی بادشاہت کے بانی عبدالعزیز بن عبدالرحمن نے اپنی موت سے پہلے بیٹوں کو وصیت کرتے ہوئے یمن سے متعلق جو جملے ادا کئے، وہ جملے سعودی عرب کی یمن کے سات...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org